હવે સરકારી સ્કૂલની ગર્લ્સ માટે 'પિરિયડ ટોક્સ'

નવી દિલ્હી : દિલ્હીની સરકારી સ્કૂલોમાં છોકરીઓ માટે પીરિયડ્સ અંગે કેમ્પેઈન ચલાવવામાં આવશે, જ્યાં તેમના બધા પ્રશ્નો અને મૂંઝવણો દૂર કરવામાં આવશે. એનજીઓ 'સચ્ચી સહેલી' ટીનએજ છોકરીઓ માટે 70 સરકારી સ્કૂલોમાં આ કેમ્પેઈન 'બ્રેક ધ બ્લડી ટેબૂ' ચલાવશે, જ્યાં વૈજ્ઞાનિક રીતે પીરિયડ સાઈકલ વિશે ગર્લ્સને માહિતી આપવામાં આવશે. આ સેશનમાં ખાસ ભૂમિકા ભજવવા જઈ રહેલા સ્ત્રી રોગ નિષ્ણાંત ડૉ. સુરભિ સિંહે કહ્યું કે, મેન્સ્ટ્રુએશન વિશે મોટાભાગની છોકરીઓને તેમની માતા જ જણાવે છે અને ઘણીવાર શરીરના આ ચક્ર અંગે તેમની અંદર ડર તથા અંધવિશ્વાસ ભરી દેવામાં આવે છે.

IPL-10: હરાજી માટે તૈયાર છે આ ક્રિકેટર્સ

સનરાઇઝર્સ હૈદરાબાદની ફ્રેન્ચાઇઝી હરાજીમાં 20.09 કરોડ રૂપિયા ખર્ચ કરી શકે છે. ટીમમાં વધુ એક ઓલરાઉન્ડર બેટ્સમેન અને સારા સ્પિનરની જગ્યા છે. તે એક્સ્ટ્રા વિકેટકીપર અને ફાસ્ટ બોલર પણ લેવા માગે છે. ટીમમાં રહ્યા: ડેવિડ વોર્નર, શિખર ધવન, મોજિજ હેનરિક્યુસ, નમન ઓઝા, રિકી ભુઈ, કેન વિલિયમસન, સિદ્ધાર્થ કૌલ, વિપુલ શર્મા, આશીષ નેહરા, યુવરાજ સિંહ, બેન કટિંગ્સ, અભિમન્યુ સિંહ, એમ. રહમાન, બરિન્દર સરન, દીપક હુડ્ડા, વિનય શંકર ટીમમાંથી બહાર: કરણ શર્મા, આશીષ રેડ્ડી, ઇયોન મોર્ગન, ટ્રેન્ટ બોલ્ટ, ટી સુમન, આદિત્ય તારે

જ્યારે જર્મન ફાઇટર જેટ્સે ઘેરી લીધું વિમાન

સૌરભ સિન્હા, નવી દિલ્હીઃ મુંબઈથી લંડન જઈ રહેલા જેટ એવરેઝના એક વિમાનનો સંપર્ક એવા સમયે એર ટ્રાફિક કન્ટ્રોલ (એટીસી) સાથે તૂટી ગયો, જ્યારે તે જર્મની પરથી પસાર થઈ રહ્યું હતું. સંપર્ક તૂટતાં જ જર્મન એરફોર્સના બે ફાઇટર જેટ્સને તે શોધવા ટેકઓફ કરાયાં. જોકે બાદમાં વિમાન સાથે સંપર્ક સ્થાપિત થતાં તમામ મુસાફરોએ રાહતનો શ્વાસ લીધો. ગયા ગુરુવારે બોઇંગ-777 લંડન જઈ રહ્યું હતું. જર્મન શહેર કોલોન પાસે તેનો સંપર્ક તૂટી ગયો હતો. ઇમર્જન્સી જોતાં જર્મન એરફોર્સનાં બે વિમાનોએ ઉડાણ ભરી. જોકે આ વિમાનોને જેટ પાઇલટ સાથે ઇન્ટરસેપ્ટ કોન્ટેક્ટ સ્થાપિત કરવામાં સફળતા મળી.

બુલેટ ટ્રેનઃ દરિયાની નીચે ડ્રિલિંગનું કામ શરૂ

નવી દિલ્હીઃ દેશમાં બુલેટ ટ્રેનનું સપનું પૂરું થવામાં ભલે ઘણો સમય હોય, પરંતુ આ મહત્ત્વાકાંક્ષી પ્રોજેક્ટ સાથે જોડાયેલી વાતો લોકોને અત્યારથી જ રોમાંચિત કરવા પૂરતી છે. મુંબઈ અને અમદાવાદ વચ્ચે દોડનારી આ બુલેટ ટ્રેન સમુદ્ર નીચેથી પસાર થશે અને તે માટે પૂરઝડપે કામ ચાલી રહ્યું છે. મુંબઈ અને અમદાવાદ રેલવે કોરિડોરના સાત કિલોમીટર લાંબા સમુદ્રની નીચેથી માર્ગનું ડ્રિલિંગનું કામ શરૂ થઈ ગયું છે. તે અંતર્ગત હાલ સમુદ્રની નીચે માટી અને ખડકોનું પરીક્ષણ કરવામાં આવી રહ્યું છે.

ગામમાં કબ્રસ્તાન બનતાં હોય તો સ્મશાન પર બનવાં જોઈએઃ મોદી

કાનપુરઃ ઉત્તર પ્રદેશમાં એક તરફ ત્રીજા તબક્કાનું મતદાન ચાલી રહ્યું હતું ત્યારે વડાપ્રધાન નરેન્દ્ર મોદી ફતેહપુરમાં રેલી કરી રહ્યા હતા. રેલીમાં તેમણે સીધું રાહુલ ગાંધી અને અખિલેશ યાદવ પર નિશાન સાધ્યું હતું. તેમણે તેમના ભાષણમાં એક વાર પણ બહુજન સમાજ પાર્ટી (બીએસપી)નું નામ લીધું નહોતું. રાજકીય વિશ્લેષકોના અનુસાર, મોદીએ ઇશારા ઇશારામાં વિરોધીઓ પર 'મુસ્લિમ તુષ્ટીકરણ'નો આરોપ લગાવી ભાજપનો પરંપરાગત દાવ રમ્યો છે. જોકે વડાપ્રધાને સીધેસીધો 'મુસ્લિમ તુષ્ટીકરણ' શબ્દનો ઉપયોગ કર્યો નહોતો, પરંતુ તેઓ સ્મશાન, કબ્રસ્તાન, રમજાન અને દિવાળીની વાત કરીને હિંદુત્વ કાર્ડ રમતા જોવા મળ્યા.