દેશના સૌથી લાંબા ધોલા-સતિયા બ્રિજનું શુક્રવારે ઉદ્‌ઘાટન થશે

એજન્સી, નવી દિલ્હી આસામ અને અરૂણાચલ પ્રદેશને જોડતો ભારતનો સૌથી લાંબો બ્રિજ આવતીકાલે વડાપ્રધાન નરેન્દ્ર મોદીના હસ્તે ઉદ્‌ઘાટન પામશે. ભારતની સૌથી વિશાળ નદી બ્રહ્મપુત્રા પર બંધાયેલા આ બ્રિજ વિશેની કેટલીક મહત્વની બાબતો તમને સો ટકા ગમશે. ૧. ત્રણ લેનનો આ બ્રિજ ધોળા-સતિયા તરીકે ઓળખાય છે. ૯.૧૫ કિલોમીટર લાંબો આ બ્રિજન બ્રહ્મપુત્રા નદીની શાખા લોહિત નદી પર બંધાયો છે. તે આસામના ધોળા અને અરૂણાચલ પ્રદેશના સતિયાને જોડે છે. ૨. બ્રિજ બંધાયો નહોતો ત્યારે આ વિસ્તારને પાર કરવા માટેનો એકમાત્ર રસ્તો ફેરી સર્વિસ હતી અને એ પણ દિવસ દરમિયાન.

EVMનું મધરબોર્ડ ન બદલી શકાય: ચૂંટણીપંચ

એજન્સી, નવી દિલ્હી ઇલેક્ટ્રોનિક વોટિંગ મશીન (EVM)ને હેક કરી બતાવવા માટે ચૂંટણી પંચે આપેલી ચેલેન્જમાં ઇવીએમના મધરબોર્ડ સાથે છેડછાડ કરવાની આમ આદમી પાર્ટીની માગણી ચૂંટણી પંચે ફગાવી દીધી છે. ચૂંટણી પંચે જણાવ્યું હતું કે ઇવીએમનું મધરબોર્ડ કે ઇન્ટરનલ સર્કિટ બદલવું એટલે આખું ડિવાઇસ બદલી નાખવું એમ કહેવાય. ગુરુવારે આમ આદમી પાર્ટીને લખેલા પત્રમાં ચૂંટણી પંચે જણાવ્યું હતું કે ‘ઇલેક્શન કમિશનનું માનવું છે કે મધરબોર્ડ કે મશીનની અંદરની સર્કિટ બદલવાની પરવાનગી આપવાનો મતલબ એ થયો કે જાણે ચૂંટણી પંચ કોઈને નવું ઇવીએમ બનાવવાની પરવાનગી આપે. એ વાત કોઈ કાળે તર્કસંગત નથી.

પાકિસ્તાન મોતનો કૂવો: ઉઝ્મા અહેમદ

નવી દિલ્હી: પાકિસ્તાનથી ભારત પરત ફરેલી ઉઝમા અહેમદે પાકિસ્તાનને મોતનો કૂવો ગણાવ્યો છે. તેના મતે ત્યાં જવું તો સરળ છે પરંતુ ત્યાંથી પરત આવવું મુશ્કેલ છે. બંદૂકની અમઈએ લગ્ન કરવા મજબૂર કરાયેલી ઉઝમાએ વિદેશ મંત્રી સુષમા સ્વરાજ સાથેની સંયુક્ત પ્રેસ કોન્ફરન્સમાં જણાવ્યું હતું કે, લગ્ન કરીને પાક. જનારી યુવતી ભારત પરત નથી આવી શકતી. “હું સુષમા મેમને ધન્યવાદ આપું છું. તેઓ મને રોજ ફોન કરીને હિમ્મત પુરી પાડતા હતા અને કહેતા હતા કે હું જલ્દી પરત આવી શકીશ.” ઉઝમા અહેમદે તેનું જબરજસ્તી કઈ રીતે અપહરણ કરાયું અને તેને લગ્ન કરવા મજબૂર કરાઈ તેની બર્બરતા પણ વર્ણવી હતી.

નીતા અંબાણીએ IPL ટ્રોફી દ્વારકાધીશને અર્પી

નવગુજરાત સમય, અમદાવાદ મુંબઈ ઈન્ડિયન્સ આઈપીએલની ૧૦મી સીઝનમાં ચેમ્પિયન્સ બન્યું છે ત્યારે વિનિંગ ટ્રોફી લઈને ટીમના ઓનર નીતા અંબાણી દ્વારકાધીશના ચરણમાં પહોંચ્યા હતા. આઈપીએલમાં પુણે સામેની ફાઈનલમાં મુંબઈ ઈન્ડિયન્સનો રોમાંચક વિજય થયો હતો. આઈપીએલમાં મુંબઈ ઈન્ડિયન્સ ત્રીજી વખત ચેમ્પિયન બન્યું હતું. અગાઉ આ વિનિંગ ટ્રોફીને મુકેશ અંબાણીના પુત્ર અનંત અંબાણી મુંબઈના સુપ્રસિદ્ધ સિદ્ધિવિનાયક ગણપતિ મંદિરે લઈ ગયા હતા. ત્યારબાદ આજરોજ નીતા અંબાણી દ્વારકા પહોંચીને દ્વારકાધીશના ચરણમાં ટ્રોફી મૂકી હતી. ચાલુ વર્ષે નીતા અંબાણી ચોથી વખત દ્વારાધીશના દર્શને આવ્યા હતા.

GNFCનાં નીમ પ્રોજેક્ટને હાર્વર્ડ ગ્રૂપનું પ્રાઇઝ

નવગુજરાત સમય, અમદાવાદ ગુજરાત નર્મદા વેલી ફર્ટિલાઇઝર્સ એન્ડ કેમિકલ્સે (GNFC) તેનાં ક્રાંતિકારી અને સામાજિક સ્થિતિના પરિવર્તન માટેના નીમ પ્રોજેક્ટ બદલ હાર્વર્ડ ગ્રૂપ દ્વારા સપોર્ટેડ પ્રતિષ્ઠિત પોર્ટર પ્રાઇઝ મેળવ્યું છે. પ્રોફેસર પોર્ટરનાં હસ્તે GNFCનાં મેનેજિંગ ડિરેક્ટર ડો. રાજીવકુમાર ગુપ્તા (IAS)એ આ એવોર્ડ સ્વીકાર્યો હતો. પોર્ટર પ્રાઇઝ માઇકલ યુજીન પોર્ટરનાં નામે આપવામાં આવે છે, જેઓ નોબેલ પારિતોષિક વિજેતા પ્રોફેસર અમર્ત્ય સેન સહિત હાર્વર્ડ યુનિવર્સિટીનાં ફક્ત 26 પ્રોફેસરોમાં સામેલ છે, જેમને ‘યુનિવર્સિટી પ્રોફેસર’નો વિશેષ હોદ્દો આપવામાં આવ્યો છે.