જમ્મુ કાશ્મીરમાં અલગતાવાદી નેતાઓ સામે કાર્યવાહી યાસીન મલિકની અટકાયત, મિરવાઇઝ નજર કેદમાં

જમ્મુ કાશ્મીરમાં અલગતાવાદી પર કઠોર કાર્યવાહી વધારી દેવામાં આવી છે. આ શ્રેણીમાં જમ્મુ કાશ્મીર લિબ્રેશન ફ્રન્ટ (જેકેએલએફ)ના પ્રમુખ યાસીન મલિકની ધરપકડ કર્યા બાદ હુર્રિયત કોન્ફરન્સના મીરવાઈઝ ઉંમર ફારુકને પણ નજરકેદ કરવામાં આવ્યા છે. અત્રે ઉલ્લેખનીય છે કે, મીરવાઇઝ હુર્રિયત કોન્ફરન્સ નરમાઈ વર્તવાવાળા અધ્યક્ષ છે. અલગતાવાદી નેતાઓએ ખીણમાં વિરોધ પ્રદર્શનું નેતૃત્વ રોકવા માટે આ પગલા ઉઠાવાયા છે.  જમ્મુ કાશ્મીરમાં બુધવારથી જ રાજ્યપાલ શાસન લાદી દેવામાં આવ્યું છે. મંગળવારે ભાજપે જમ્મુ કાશ્મીર સરકારમાંથી ટેકો પાછો ખેંચી લેવાનો નિર્ણય કર્યો હતો.

કાશ્મીરના ભાજપ અધ્યક્ષ રૈનાને હત્યા કરવાની ધમકી

જમ્મુ કાશ્મીરમાં પીડીપી-ભાજપ ગઠબંધનનો અંત આવ્યા બાદ જમ્મુ કાશ્મીરમાં રાજ્યપાલ શાસન ગઇકાલે લાદી દેવામાં આવ્યું હતું. જમ્મુ કાશ્મીર ભાજપ અધ્યક્ષ રવિન્દ્ર રૈનાને આતંકવાદીઓ તરફથી હત્યા કરવાની ધમકી આપવામાં આવી હોવાનો કેસ સપાટી ઉપર આવ્યો છે. ભાજપ નેતાને ધમકી એવા સમયે આપવામાં આવી છે જ્યારે રાજ્યમાં રાજકીય સ્થિતિ ખુબ જ ગંભીર બન્યા છે અને તેમની પાર્ટી દ્વારા સરકારમાંથી ટેકો પાછો ખેંચી લેવામાં આવ્યો છે. જો કે, રાજ્યમાં રાજ્યપાલ શાસન અમલી છે. તેમણે કહ્યું હતું કે, સંબંધિત ઓથોરિટી અને ગવર્નરને આ અંગેની માહિતી આપી દીધી છે. છેલ્લા કેટલાક સમયથી આ પ્રકારની ધમકી મળી રહી છે.

અમેરિકાને તેની જ ભાષામાં ભારતનો જવાબ ભારતે આયાત થતી ર૯ પ્રોડક્ટ પર ડ્યુટી વધારી

તાજેતરમાં જ અમેરિકી રાષ્ટ્ર પ્રમુખ ટ્રમ્પ દ્વારા વિવિધ દેશોમાંથી આવતા માલસામાન પરની ઇમ્પોર્ટ ડ્યુટી વધારવાના લીધેલા નિર્ણયના ભારત સહિત વિશ્વના દેશોમાં ઘેરા પ્રત્યાઘાત પડ્યા છે. અમેરિકાના આ વલણની ભારતે પણ ગંભીર નોંધ લીધી છે અને અમેરિકાને તેની જ ભાષામાં જવાબ આપતા અમેરિકામાંથી ભારતમાં આયાત થતી ચીજવસ્તુઓ અને ઉત્પાદનો ઉપર આયાત ડ્યુટી વધારવાનો ખુબ જ મહત્વપૂર્ણ નિર્ણય જાહેર કર્યો છે. ભારતે આજે જેવા સાથે તેવાના પ્રત્યાઘાત સાથે અમેરિકામાંથી આયાત થતા ર૯ ઉત્પાદનો પર આયાત ડ્યુટી વધારવાનો નિર્ણય કર્યો છે.

રાજસ્થાનના કોટામાં અઢી લાખ લોકો સાથે યોગ કરી બાબા રામદેવનો વર્લ્ડ રેકોર્ડ

રાજસ્થાનના કોટા શહેરમાં આંતરરાષ્ટ્રીય યોગ દિવસ નિમિત્તે મુખ્યપ્રધાન વસુંધરા રાજે અને યોગગુરુ બાબા રામદેવની હાજરીમાં ર.૫૦ લાખ લોકોએ એક સાથે યોગાસનો કરીને ગિનિસ બુક ઓફ વર્લ્ડ રેકોર્ડમાં સ્થાન પ્રાપ્ત કર્યું હતું. અત્રે ત્રણ દિવસીય રાજ્યસ્તરિય યોગ શિબિરનો મુખ્ય સમારોહ આજે આરએસી ગ્રાઉન્ડમાં યોજવામાં આવ્યો હતો.અત્યાર સુધી એક જ સ્થળે સૌથી વધુ લોકોના યોગ કરવાનો રેકોર્ડ મૈસૂરના નામે હતો. ગઈ સાલ મૈસૂરમાં એક સાથે ૫૫,૫૦૬ લોકોએ યોગાસનો કર્યાં હતાં.ગિનિસ બુક ઓફ વર્લ્ડ રેકોર્ડ માટે પાંચ સ્તરે યોગ કાર્યક્રમમાં ભાગ લેનારા લોકોની ગણતરી થઈ હતી. આ માટે ગિનિસ બુક ઓફ વર્લ્ડ રેકોર્ડની ટીમ ખાસ લંડનથી આવી હતી.

ઓપરેશન ઓલઆઉટ તીવ્ર કરવા કેન્દ્રમાંથી બે અધિકારીઓ જમ્મુ કાશ્મીર મોકલાયા

જમ્મુ કાશ્મીરમાં મહબૂબા મુફતી સરકાર પડી જતાં બુધવારથી રાજ્યમાં રાજ્યપાલ શાસન શરૂ થઇ ગયું છે. ગર્વનર એન.એન. વ્હોરાએ રાજ્યની કમાન સંભાળી લીધી છે. હવે સેના ઓપરેશન ઓલઆઉટને તેજીથી આગળ વધારશે. જે માટે તૈયારીઓ પણ શરૂ થઇ ગઇ છે. તો રાજ્યમાં અધિકારી સ્તરે મોટા ફેરફારો થઇ રહૃાા છે. છત્તીસગઢ કેડરના સીનિયર સનદી અધિકારી બીવીઆર સુબ્રમણિયમને રાજ્યના મુખ્ય સચિવ નિયુક્ત કરવામાં આવ્યા છે.